Hevserokên Giştî yên DEM Partiyê ji konferansa “Vekirina Rêya Aştiyê” re peyam şandin û gotin ku her hewldan dê wan bêhtir nêzî çareseriyê bike.
Şaredarê ÎBB’ê Ekrem Îmamoglû diyar kir ku ji bo çareseriya pirsgirêka Kurd divê îktîdar sererastkirinên hiqûqî û îdarî bike. Serokê Giştî yê Partiya Pêşerojê Ahmet Davutoglû jî ji bo çareseriyê 10 xal pêşniyar kir.
Hevseroka Giştî ya DEM Partiyê Tulay Hatîmogûllari diyar kir ku gavên divê dewlet û îktîdar ji bo çareseriya pirsgirêka Kurd biavêjin şênber in û got: “Divê girtiyên siyasî bên berdan û biryarên DMME’yê tavilê bên cîbicîkirin.”
Serokê Giştî yê CHP’ê Ozgur Ozel ji konferansa “Vekirina Rêya Aştiyê” re peyam şand û got: “Em di wê baweriyê de ne ku divê zimanê tê bikaranîn hêviyê bide. Axaftina ser aştiyê, daxwazkirina aştiyê û avakirin aştiyê berpirsyartiya me tevan e.”
Pisporê Rojhilata Navîn Faîk Bulut têkildarî şerê Îran-Îsraîlê ji AW’ê re axivî û got ku şer ji çar qonaxan pêk tê û ji bo rewşa Kurdan jî got: “Rewşa Kurdan a li Rojhilata Navîn baş e û divê Kurd bi serwextî tevbigerin.”
Di hevdîtina ÎHD’ê ya “Rêya Diçe Aştiyê: Bîr û Edalet” ku di roja duyemîn de didome, li ser “nexşerêya pêkanîna aştiyê” nîqaş hatin kirin.
Riza Turmen ku di konferansa “Vekirina Rêya Aştiyê” de axivî, diyar kir ku çareseriya pirsgirêka Kurd bi civakîkirina wê pêkan e û got: “Aştî, bi tunekirina sedemên rê li ber rakirina çekan vedike re dibe. Eniya demokrasiyê divê ji bo çarseriya demokratîk a pirsgirêka Kurd çareseriyê pêşniyar bike.”
Midûriyeta Agirkujiyê ya Şaredariya Cizîrê li hotêla yek ji bersûcên cînayetên “kiryarnediyar” Kamîl Atak venihêrîn kir û têkildarî kêmasiyan rapor amade kir. Li ser vê yekê, xizmên Atak bi çekan ser midûriyetê de girtin û xebatkarek bi giranî birîndar kir.
Nivîskar Ertugrul Mavîoglû diyar kir ku serlêdanên ji bo Wezareta Dadê yên di çarçoveya kampanyaya “Dixwazim bi Abdullah Ocalan re hevdîtinê bikim” didomin û got: “Mercên azad ên Ocalan ji bo aştiyê mijareke diyarker e.”
Hat îdiakirin ku li Nexweşxaneya Dewletê ya Cizîrê bi kamyonan melzemeyên tibbî hatine dizîn. Hat diyarknirin ku wezaretê mifetîş peywirdar kiriye û rêveberiya nexweşxaneyê jî ev îdiaye bêbersiv hişt.
Tehliyeya Besra Erol ku keça wê Evrîm Denîz Erol di Komkujiya Pirsûsê de hatibû qetilkirin, ji hêla Lijneya Îdare û Çavdêriyê ve careke din hate taloqkirin.
Danişîna doza mamoteyê tekvandoyê M.B. ku li Rihayê ji ber sûcên “îstîsmara zayendî ya li dijî zarok” û “Kes ji azadiyê bêpar hiştiye” tê darizandin, sibe dê bê lidarxistin.
Ji malbata Mehmet Yildirim ê li Licê ji hêla leşkeran ve hatibû kuştin, ji bo leşkerê birîndar bûyî 48 hezar û 96 TL tazmînat hate xwestin.
Rexmê nebûna petrole TPAO’yê li herêma Meydan Zengilê ji bo kolandina bîreke nû dest bi xebatê kir.
Demên borî ji ber bazirganiya li ser sînor yek ji navçeyên herî dewlemend ên Kurdistanê Elbak bû û ji ber qedexe û bêkariyê her sal welatî koç dikin.