NY: Divê Îsraîl êrişên li ser Lubnanê rawestîne
Komîserê Bilind ê Mafên Mirovan ê NY'yê Volker Turk diyar kir ku piştî êrişên Îsraîlê yên li ser Lubnanê û fermana valakirinê bi sed hezaran kes koçber bûne û got ku ev yek fikarên cidî der barê hiqûqa mirovî ya navneteweyî de çêdikin.
Pezeşkiyan tekildarî navbeynkariyê daxuyanî da
Serokkomarê Îranê Mesûd Pezeşkiyan diyar kir ku hinek welat ji bo şerê di navbera Îran, DYA-Îsraîlê dest bi navbeynkariyê kirine û ev tişt got: “Em girêdayî aştiya herêmê ne, lêbelê em ê rûmet û serweriya welatê xwe jî biparêzin.”
Lavrov: Em ê nehêlin êriş li Îranê bên kirin
Wezîrê Karên Derve yê Rûsyayê Sergey Lavrov der barê êrişên DYA û Îsraîlê yên li ser Îranê de got: "Rûsya, ji bo hawirdoreke ku operasyonên DYA û Îsraîlê rawestîne biafirîne, çi ji destê wê bê wê bike."
Li dijî tundiya zayendî ya di şer de kampanya hate destpêkirin
Li Swîsreyê aktîvîstên jin ên ji neteweyên cuda li dijî tundiya li ser jinan a di şeran de kampanyaya îmzeyan a “Free All Woman” dan destpêkirin.
HRANA: Di êrişên DYA-Îsraîlê de 181 jê zarok hezar û 97 sivîlan jiyana xwe ji dest dan
HRANA’yê bi daxuyaniyekê ragihand ku di encama êrişên Îsraîl û DYA’yê de, 181 jê zarok bi giştî hezar û 97 sivîlan jiyana xwe ji dest dane û 10 jê zarok bi giştî 5 hezar û 402 sivîl jî birîndar bûne.
Îsraîlê 4 caran êrişî Bêrûdê kir
Îsraîlê, bi hinceta Hîzbullahê ji hewayê ve 4 caran êrişî paytexta Libnanê Bêrûdê kir.
Trump: Pêla mezin hê nehatiye
Serokê DYA'yê Donald Trump, der barê êrişên li ser Îranê de got: “Pêla mezin hê nehatiye. Ew nêzîk dibe.”
Netenyahu fermana domandina êrişên li ser Îranê da
Serokwezîrê Îsraîlê Benyamîn Netenyahû got ku bi Wezareta Parastinê ya Îranê, Serfermandarê Giştî û Serokê Mosadê re civiya ye û fermana domandina êrişên li dijî Îranê daye.
Çapemeniya Îranê: Serokkomarê berê Ahmedînejad hate kuştin
Ajansa Mehr a Îranê ragihand ku Serokkomarê Îranê yê berê Mahmûd Ahmedînejad hatiye kuştin.
Heyva Sor a Îranê: Di êrişan de 201 kesan jiyana xwe ji dest dan
Heyva Sor a Îranê ragihand ku di êrişên DYA-Îsraîlê yên li ser Îranê de 201 kesan jiyana xwe ji dest dane û 747 kes jî birîndar bûne.
YE û NY'ê biryara civîna lezgîn dan
Piştî êrişên DYA û Îsraîlê yên li ser Îranê Konseya Ewlekariya Bilind a Neteweyên Yekbûyî û Yekitiya Ewropayê dê bi lezgînî bicivin.
Wezîrê Karên Derve yê Îranê: Xameneyî û Pezeşkiyan dijîn
Wezîrê Karên Derve yê Îranê Ebas Eraqçî got: "Tiştê ku ez dizanim, Xameneyî û Pezeşkiyan dijîn."
Di êrişa li ser Îranê de dibistan bû hedef: Gelek kes mirin
Hate diyarkirin ku di êrişa DYA û Îsraîlê ya li ser Îranê de dibistanek bûye hedef û 51 kesan jiyana xwe ji dest daye.
Wezareta Karên Derve ya Îranê bang li NY'yê kir: Berpirsiyariyê bigirin
Wezareta Karên Derve ya Îranê, di daxuyaniyeke nivîskî ya der barê êrişên Îsraîl û DYA'yê de, got: "Em daxwaz dikin ku Konseya Ewlehiyê ya NY'yê gavên lezgîn û bibandor li dijî vê êrişa ku gefê li aştî û ewlehiya navneteweyî dixwe, bavêje."
Ji Netenyahû daxuyaniya Îsraîlê
Netanyahu ku têkildarî êirşên Îsraîl û DYA'yê yên li ser Îranê bang li gelê Îranê kir, got: "Dem hatiye ku barê zordariyê yê li ser milê we bê rakirin û Îraneke azad û aştîxwaz bê avakirin."