Platforma Şaxan a KESK’ê bertek nîşanî binçavkirinan rêveberên SES’ê da. KESK’ê diyar kir ku xebatên sendîkayî nikarin sûc werin hesibandin û xwest ku demildest endam û rêveberên SES’ê bên berdan.
Li Navçeya Artuklu ya Mêrdînê karker Cuma Taş ê ji înşaetê ket xwar, jiyana xwe ji dest da.
Karkerê Şaredariya Akdenîzê Alî Çat ku ji ber mobînga şaredarê AKP’î duh hewl dabû întihar bike, şaredariyê wî bi Kod 29’ê ji kar derxist.
Ahmet Kilinç ku îsotan diçîne anî ziman ku her sal rewşa karê wan xirabtir dibe û got: "Êdî em hew dikarin îdare bikin." Karkerên bi heqdesteke erzan dişixulin jî behsa zor û zehmetiya kar kirin.
Beriya danişîna duyemîn a Doza Somayê ku piştî biryara xerakirinê ya Dadgeha Bilind tê lidarxistin, meş hat lidarxistin. Parêzer Can Atalay got 7 sal in di dozê de dek û dolabek nema ku nehat kirin.
Karkerên demsalî yên li Polatliyê dixebitin, ji bo ku pêdiviyên xwe yên avê pêşwazî bikin, her roj neçarin ku 2 kîlometre rê bimeşin.
Sewalkaran, diyar kirin ku ji ber zemên, ceh, êm û kayê her roja diçe rewşa wan xirabtir dibe û gotin: “Piştgiriyek baş ji bo me nayê dayîn. Ger wisan biçe, herî zêde salekê em ê karibin li ber xwe bidin.”
Cotkarên ku ji ber ziwabûnê û zêdebûna mesrefan barê wan pir giran bûye destnîşan kirin ku cotkarî nemaye û dewletê çav berdaye tekane çavkaniya debara wan jî.
Serokkomar Erdogan ragihand ku îsal dê fiyetê çaya ter 4 lîre be. Serokê Odeya Çandiniyê ya Rîzeyê Nevzat Palîç, bertek nîşanî vê yekê da û destnîşan kir ku di 11 salan de tenê qurîşek li prîma destekkirinê ya çayê hatiye zêdekirin û hilberînerên mehkûmî sektora taybet bûne tên mexdûrkirin.
Li Mêrdînê hosteyên kurtanan, piştî ku karê wan kêm bûye, bi heman sinhetê dest bi çêkirina çenteyan û amûrên xeml û xişirê kirine.
Cotkar Mehmet Cevat Tan ku nikare berên xwe bifiroşe û xisiriye, bal kişand ser bazirganên ku beran di depoyên xwe de dihêlin û komîsyonvanên fiyetan zêde dikin.
Nûnerê Tarim Orkam-San ê Semsûrê Yûsûf Demîr, diyar kir ku îsal ji ber ziwabûnê dê li bajêr ji sedî 60-70 debr neyê kirin û xwest polîtîkayên çandiniyê bên guherandin.
Cotkarên Rihayê îsal ji ber hişkesaliyê dê 2 mîlyon dolim zeviya ku çandine nikaribin biçinin. Serokê Odeya Endezyarên Çandiniyê (ZMO) Abdullah Melîk, xwest dewlet 2022'an de tov û gubre bê pere li cotkaran belav bike.
Li Mêrsînê ji ber xizaniyê hin jin kartonan berhev dikin, hin jê tenê debara xwe bi meaşê extiyariyê dikin û hin jê jî li nav erdan dixebitin. Jinan got: "Quşxaneyên me bi berên ku em bi deyn distînin dikelin."
Dermangeran anîn ziman ku di pêvajoya pandemiyê de pîşeya ku herî zêde barê wê giran bû dermangerî ye û bal kişandin ser pirsgirêkên bi wan re rû bi rû dimînin.