Li navçeya Bayrakliyê fatûreya 3 mehan a ceryanê ya malbatekê 3 hezar û 533 TL hatiye. Ferdê malbata 3 kulfetî Mehmet Şerîf Salman, diyar kir ku ji ber krîza aborî kar bi dest wî nakeve û debara xwe bi karên rojane dike.
Li Çelê palehiya çeltûkê ku ji ber rewşa erazî bi rê û rêbazên berê tê çandin, dest pê kir.
Li navçeya Bazarcixê, mînîbusa ku karkerên çandiniyê tê de bûn, qeza kir. Di qezayê de kesekî jiyana xwe ji dest da û 15 kes birîndar bûn.
Cotkaran, diyar kir ku ji ber pirsgirêka avê berhemên wan riziyan û ava qenala avdanê birîn.
Aborînas Ozgur Muftuoglû, diyar kir ku ji polîtîkayên neo-lîberal ku AKP bi rêbazên zextan pêk tîne muxalefet jî berpirsyar e û destnîşan kir ku hişmendiya rêveberiyeke ku demokrasiyê pêk neyne dê ji AKP’ê necudatir be.
Bizinên ku li navçeya Pasûrê ji aliyê dermalekaran ve tên tercîhkirin, ji ber xwedîkirina wan a li çiyayên bi hezaran metre bilind, gelî û daristanan zehmetiyên mezin bi şivanê xwe didin kişandin.
Hevserokê SES’a Amedê Şiyar Guldîken diyar kir ku li saziyên xizmeta civakî mobîng li xebatkaran tê sepandin û sendîkaya rayedar ji bo rexeneyên werin nebihîze di rûpelên fermî yên webe de nimreya telefona SES’ê hatiye parvekirin.
Li navçeya Artemêtanê, ji ber hişkesalî û zêdebûna mesrefan bera giha nîvî nîvî kêm bûye û cotkar weke çareserî dest bi firotina sewalên xwe kirine.
Li navçeyê Cizîr û Silopyayê berhevkirina pembû dest pê kir. Tevî ku îsal kîloya pembû 3 TL zêde bûye jî cotkar mesrefa xwe bi zorê derdixin.
Li Sûka Kemeraltî ya Dîrokî ya herî qerebalix de, ji ber qeyrana aboriyê, di nava salekê de nêzî 250 dikandaran îflas kirin.
Esnafên ku ji ber qeyrana aborî û pandemiyê zirar kirin neçar man ku yek bi yek deriyên kargehên xwe bigirin. Serokê SMMMO yê Wanê Îbrahîm Şahîn, diyar kir ku qezenca esnafan ji sedî 20’an daket ji sedî 2’yan.
Mutehîtên Rihayê, li dijî bihabûna serktora înşaatê ji bo 15 rojan biryara rawestandina kar girtin û gotin ku pêkanîna bihaya yekdestî û zemên kêfî wan neçarî vê biryarê kiriye.
Rêxistinên pîşeyî yên tenduristiyê, diyar kir ku razandinên zêdek ên ji bo xebatkarên tenduristiyê tên dayîn di asta rûmetşikandinê de ne û daxwaza kirin ku razandina ji bo wan ji sedî 150 bê başkirin.
Karkerên înşaatê ku ji bo girtina mûçeyên xwe yên 7 mehan 6 roj in li ber dere Holdînga Ronesansê bê navber çalakî li dar dixin, ev tişt gotin: “Ne sedeqe, em tenê mafên xwe dixwazin.”
Serokê DTSO’yê Mehmet Kaya diyar kir ku ew dixwazin Amedê veguherînin navenda tekstîlê û ew ê fabrîkayên ku hawirdorparêz in û mafên karkeran diparêzin ava bikin.