Hevserokê Giştî yê Partiya Demokratîk a Gelan (HDP) Sezaî Temellî, di civîna Meclisa Partiyê ya HDP'ê de têkildarî geşedanên dawî û hilbijartina rêveberiyên herêmî nirxandin kirin. Temellî, diyar kir ku ew dê bi pirsa “Em bajar û rêveberiyek çawa dixwazin?" tev bigerin û wiha got: “Îttifaq di kulisan de ava nabe. Îtîfaq di lêgerîna li taxan de bi wate dibe."
Hevberdevka HDK'ê Gulîstan Kiliç Koçyîgît, destnîşan kir ku tecrîdkirina Rêberê PKK'ê Abdullah Ocaln, dibe sedema bêhiqûqîtiyên din ên li welat. Koçyîgît bal kişand ser biryara DMME'yê jî û got, ev tê wateya di şexsê Ocalan de pişta xwe daye gelê kurd.
Hevserokê Giştî yê HDP’ê Sezaî Temellî têkildarî pêşnûmeya efûyê got: “Wekîlên me girtî ne, bi hezaran hevalên me di girtîgehan de ne. Di demek ev hemû tişt li pêşiya me ne û hevala me Leyla Guven girtî ne dê Meclîs çawa pêşnûmeya efûyê bixe rojeva xwe. Em bi matmayî lê temaşe dikin.”
Parlamenterê HDP’ê yê Mêrsînê Ridvan Turan têkildarî binpêkirina li girtîgehan daxuyanî da û got: “Girtîgehên Tirkiyeyê ji rewşa girtîgehan derketine. Ev girtîgeh veguherîne kampên Nazî. Girankirina tecrîdkirina Îmraliyê zextên li ser girtiyan zêde dike.”
Hevseroka Giştî ya HDP'ê Pervin Buldan, di civîna meclîsa jinan a HDP'ê de diyar kir ku beriya hilbijartina herêmî pêdivî bi tifaqa jinan heye. Buldan, bal kişand ser xebatên qeyûmên ku tayînî şaredariyên DBP’ê hatinek kirin û wiha got: “Em dê van qeyûman bişînin Qiraatxaneya Erdogan."
Nivîskarê rojnameya e-rojname Ahmet Aktaş, di quncikê xwe de bal kişand ser gera Erdogan a DYA û Almanya. Aktaş diyar kir ku Erdogan dişta hevî dikir bi dest nexist û pişt stuyê xwe xwirand û vegeriya ye.
Hevseroka Giştî ya HDP’ê Pervîn Buldan, bertek nîşanî redkirina serlêdana mûameleya xerab a li dijî Rêberê PKK’ê Abdullah Ocalan a DMME da û got: “Ev biryar ne tenê li dijî Birêz Ocalane, di heman demê li dijî hemû gelê Kurde.”
Parlamenterê CHP’ê yê Stenbolê Sezgîn Tanrikulu ji bo pêşniyara efoyê ya MHP’ê, diyar kir ku efo ji bo qatîlan, dizan, tucarên tiryakê û çeteyên sûcên organîzê heye, lê ji bo girtiyên nexweş tuneye.
Serokwekîlê Koma HDP’ê Ayhan Bîlgen, derbarê afoya MHP’ê ya pêşkêşî Meclîsê kir de axivî û got: “Ger hemû partî di vî warî de cîdî bin, bi nirxe û em wan dawetî reformek çareseriyek mezin a di darazê de dikin. Ji bo çareserkirina pirsgirêkek evqas kûr, pêwîstî bi reformek darazê û edaletê heye.”
Serokomar Tayyip Erdogan li TEKNOFEST'ê ya Balafirgeha 3'emîn a Stenbolê axivî. Erdogan kesên zarokên xwe dişînin welatên rojava rexne kir û got: "Xwendekarên ku hûn ji bo bibin endezyar dişînin welatên rojava mejiyên wan bi fikrên biyanî vedigerin. Lê balkêş e zarokên Erdogan Summeya, Bîlal û Burak Erdogan jî Zanîngeh li DYA xwendibûn.
Berdevkê HDP'ê Saruhan Oluç, têkildarî "Bernameya Aboriya Nû" ya hikûmetê civîna çapemeniyê pêk anî. Oluç, politikaya AKP'ê ya givaştina zik rexne kir û got: "Li şûna em zikê xwe bigivêşin, bila lêçûna şer kem bikin. Li şûna em pariyan kêm bikin balafirên şer ên F 35'an û fuzeyên S400'an nekirin. "
Hevserokên Giştî yên HDP'ê Pervîn Buldan û Sezai Temellî, daxuyaniya hevpar dan û diyar kirin ku ew dê têkoşina parlamenterê HDP'ê yê berê Îbrahim Ayhan ku bi krîza dil jiyana xwe ji dest da berdewam bikin.
Akademîsyê Zanîngeha Wagenînen Prof. Joost Jongerden, bal kişand ser hevdîtina di navbera Tirkiye û Rûsya ya li ser Idlimê û wiha got: "Ger ku hêzên li Idlibê peymanê red bikin, dê bi komên radîkal ên çekdar ên Tirkiye re rû bi rû bimînin. Jongerden, da zanîn ku Erdogan li ser navê kesên ku ne li ser masê bûn bi Rûsya re li hev kir û wiha got: "Zû dereng dê Rûsya li dijî Idlibê operasyonê pêk bîne. Yê taliyê bi ser bikeve Rûsya ye.
Hevserokê Giştî yê HDP’ê Sezaî Temellî, diyar kir ku Serokê Giştî yê AKP’ê Tayyîp Erdogan hewl dide mûdaxileyê pêvajoya namzetên hilbijartina herêmî ya HDP’ê bike û got: “Dema HDP biryarê bide, dê ji kedkar, jin û gelan bipirse.”
Marlamenterê HDP’ê yê Şirnexê Huseyên Kaçmaz, binpêkirinên mafan ê li Girtîgeha Tîpa T a Şirnexê tên jiyîn, bir Meclîsê û ji Wezîrê Dadê Abdullah Gul pirsname pirsî.