Tevî biryarên binpêkirinê yên DMME û AYM’ê jî sepana “qeydkirina hevdîtinên girtiyan û barkirina nameyên wan a li UYAP’ê” didome. AYM’ê dîsa ji bo vê sepanê biryara binpêkirinê da.
HPG’ê ragihand ku tevî biryara agirbestê û bidawîkirina xebatan jî êrişên dewleta Tirk berdewam in.
Hevseroka Giştî ya DEM Partiyê Tulay Hatîmogûllari, got: “Êdî ji bo avêtina gavên bi hinceta tundî û şer hatibûn talaoqkirin, tu astengî neman. Dema avakirina jiyana wekhev e.”
Fermandara Biryargeha Navenda YJA Starê Zozan Çewlîg di kongreya PKK’ê de axivî û got: “Navenda têkoşîna me Rêber Apo ye. Em hêza xwe ji Rêber Apo digirin.”
Danişîna doza rojnameger Yelda Çîçek hate lidarxistin û taloqî 27’ê Gulanê hate kirin.
Ji delegeyên kongreya PKK’ê Şiyar Amed, got: “Deriyeke nû, asoyeke nû li pêşiya me ye.” Ji delegeyan Seyfî Zogurlu jî got: “Ji bo me pêvajoyeke nû dest pê kir. Şerê ku dê were destpêkirin ji bo me zehmettir e.”
Îdianameya der heqê Abdulsamet Turan de hatiye amadekirin û cara 3’yemîn pêşkeşî dadgehê hate kirin, hat qebûlkirin. Wêneyê bi nivîsa “Let's go Kurdistan" û hevdîtinên telefonê yên bi kesên “qeyda wan a sûc heye” re weke sûc hatin hesibandin.
Nivîskar Yûsûf Karataş bal kişand ser bertekên ji ber rexneya PKK’ê ya têkildarî Lozanê û got: “Bi taybet jî dixwazin yekitiya têkoşînê ya fiîlî ku li Saraçhane û Newrozan di navera CHP û gelê Kurd û DEM Partî û hêzên demokrasiyê de derketiye holê tune bikin.”
Dayika Sema Yuceyê, Zennûre Yuce diyar kir ku ji roja Abdullah Ocalan nas kirin heta niha di rêya wî de dimeşin û got: “Em îro jî bi wî re ne. Wî çi gotibe em qebûl dikin.”
Di çarçoveya operasyona “nelirêtiyê” ya li dijî Şaredariya Bajarê Mezin a Stenbolê de 22 kes hatin binçavkirin.
Xelkê Mexmûrê ku ji bo berdana 4 kesên dema ji bo hevdîtina bi rayedarên Iraqê re çûn û hatine binçavkirin û ji bo rakirina ambargoyê dest bi çalakiyê kirine, gotin ku heta daxwazên wan tên cîbicîkirin dê çalakiya xwe bidomînin.
Dadgeha Kargêrî ya Bilind biryar da ku di doza berpirsiyariya îdarî ya têkildarî komkujiya Dedeogullari de biryara dadweriyê ya di navbera dadwerî û îdarî de heye.
Di îdîanameya der barê Korgeneral Y.A. de têkildarî mirina Seyîthan Durdu de hat amadekirin de hat gotin ku leşker li derveyî qada peywira xwe tevgeriyane, kakilên guleyan ên li cihê bûyerê ne yên bûne sedema mirinê ne û ji bo ceza neyê birîn bersûc îfadeyên nakok dane.
Ji malbatên piştî êrişa DAIŞ’ê ji xaka xwe koçber bûn û di kampan de diman 100 jê vegeriyan Şengalê.