Li Westanê jinên ku hem li nav erdan hem jî li malê dixebitin, diyar kirin ku rojê 12 saetan dixebitin lê heqdesta wan 65 TL ye. Jinan, destnîşan kirin ku nikarin bi vî pereyî debara xwe bikin.
Çalakiyên hilberînerên tûtinê yên li dijî şertê "belgeya karbidestiyê" didomin. Parlementerê HDP'ê yê Semsûrê yê berê Behcet Yildirim jî bertek nîşanî vî şertî da û destnîşan kir ku dê qedexe pirsgirêkên cotkaran girantir bike.
Cotkarên titûnê li Semsûr û Meletiyê, şerta “belgeya karbidestiyê” bi çalakiyên girtina rê şermezar kirin.
Hêzên Ked û Demokrasiyê yên Îzmîrê wê di 8’ê tîrmehê de li Meydana Gundogduyê mitîngek li dar bixin û banga beşdariya mitîngê kirin.
Ji sibê pê ve dê bêyî belgeya karbidestiyê, firotina tûtinê bê qedexekirin. Hilberîneran bertek nîşanî vê qanûnê dan û gotin: "Em xwe ji ber bacê nadin alî, lê em nikarin baceke zêde jî bidin."
6 sal in ji ber deynan ceryana Kooperatîfa Avdaniyê ya Hewengê hatiye qutkirin û avê nade cotkarên xwedî 15 hezar dekar erd. Serokê Odeya Çandiniyê ya Hewengê Fûat Elmas, anî ziman ku heger pirsgirêk neyê çareserkirin dê ji sedî 30'yê cotkaran dev ji cotkariyê berdin.
Li Agiriyê sewalvanan ji ber bihabûna fiyetên êm û kayê heywanên xwe difiroşin. Sewalvanan, destnîşan kirin ku sedema krîza aborî ne pandemî ye û gotin: "Sedema sereke polîtîkaya şer a Erdogan e."
Serokê Odeya Çandiniyê ya Agiriyê Omer Yildiz, anî ziman ku ji ber hişkesaliyê îsal genim û ceh pir kêm e û got: "Cotkar ji ber hişkesaliyê perîşan bûne."
KESK’ê piştî daxuyaniyên Suleyman Ozişik pirsa “Biryara îadekirina hezaran dosyayan li gorî çi hatiye dayîn?” ji desthilatê pirsî û bang kir ku Komîsyona Lêkolînê ya OHAL’ê were betalkirin.
Serevanên antalyayî diyar kirin ku ji ber lêçûna çandiniyê zêde ye û firotin erzan e, di bin deynan de mane. Serevanan destnîşan kir ku ketine nava lepên şîrketên xusûsî.
Li herêmê ji ber hişkesaliyê hem fiyetê genim hem jî yê kayê biha bû. Fikar û tirsa cotkar û esnafan, ew e ku hikûmet genim îthal bike.
Sewalvanan, ji ber hişkesaliyê û bihabûna fiyetên êm êdî nikarin heywanên xwe xwedî bikin û wan difiroşin.
Li Amedê ji ber hişkesaliyê, hema bibêje bi navê hilberîna hungiv tiştek nema. Yekîtiya Mêşvanan xwest alîkariya sektora wan bê kirin.
Zêdetirî 450 karkerên di Fabrîkeya Fischer Hakan Plastîkê de dixebitin, dest bi grevê kirin û kar rawestandin. Karkerên ku dixwazin bi awayekî mirovane bijîn, ji bo têkoşîneke rêxistinbûyî bang li her kesî kirin.
Cotkar Ahmet Kizmaz ku petêxên çandibûn di dest wî de man, diyar kir ku ji bo deynê xwe bide dê traktor û pîqaba xwe bifiroşe û dest ji cotkariyê berde.