Personelê Fakulteya Tipê yê Zanîngeha Egeyê Îlhan Yaman, diyar kir ku hikûmetê bi “Mizginiya Taşeron" karker ji kar dûrxistine û wiha got: "Ez bi vê pergalê betal mam. Ez û hevsera xwe wekî hev astengdar in û nikarin kar bikin." Yaman piştî ji kar hat avêtin li pêş fakulteyê dest bi çalakiyê kir.
Bi minasebeta 28'ê Nîsanê Roja Çalakiyê ya Kurevî ya Heskif û Sûrê dê li 20 welatan hemwext çalakî bên lidarxistin. Endamê Têkiliya Navneteweyi yê Tevgera Ekolojiyê ya Mezopotamya Ercan Ayboga, diyar kir ku ji hewceza Dîcleyê heta Basrayê nêzî 123 cureyên zindiyan û mîrateyên dirokî di bin gefan de dijîn.
Dema Rewşa Awarte hat îlankirin li Tirkiyeyê hejmara milyoneran li dor 93 hezar kesî bûn. Bi Rewşa Awarte re hejmara wan ji sedî 60 zêde bû. Berdevkê Komîsyona Aboriyê ya HDP’ê Garo Paylan, bi lêv kir ku AKP bi bacên ku ji xizanan digire alîgirên xwe dewlemend dike û got: “Divê em şiyar bin, em tên şêlandin.”
Çotkarên Wanî projeya “300 mihî” ya hikûmet detayê wê ji raya giştî re eşkere nake rasteqîn nabînin û gotin: “Bila dewlet ne mihan, qedexeyên li ser zozanan rabikin. Heya qedexe berdewam bikin, em ne 300 mihan, dê nikaribin 3 mihan jî xwedî bikin."
Rêxistina HDP’ê ya Stebolê û pêkhatiyên HDK’ê starta 1’ê Gulanê bi dirûşmeya “Ji Newrozê heya 1’ê Gulanê em ê cardin werin” li Evraza Kazanci dan.
Li Zanîngeha Egeyê, 450’î karkerên di sererast kirina kadrotiyê de bi hinceta “Lêpîrsîna ewlekeriyê” ji kar hatin avêtin, dest bi çalakiya rûniştinê kirin.
Pisporê Enerjiyê Muhdan Saglam, diyar kir ku ji sala 2010'an heta niha 3 caran vekirina Santrala Nukleerê ya Akkuyu pêk hat û wiha got: "Pirsgirêka finansê ya Akkuyu didome. Dibe ku ev proje neqede. Tirkiye ji sedî 55 xaza xwezayî ji Rûsya temîn dike. Tirkiye dê bi vê projeyê bêtir bi Rûsya ve bê girêdan.
Şirketekî Avustralyayê li Amedê kana petrolê ya nû dît.
Qûra dowîz û zêdebûna buhoyên zêran bandor li sektora zêrkeran jî kir. Zêrkeran anî ziman ku di piyaseyan de tirs û panik heye û xwestin demildest Rewşa Awarte bi dawî bibe.
Sendîkaya Genel-Îş’ê ya Amedê bertek nîşanî “birêkûpêkkirina taşeron” a ku bû sedema 722 karker ji kar derbixin da û pergala “lêpirsîna ewlehiyê” şermezar kir.
Masîvanên Wanî torên xwe yên dawî avêtin Gola Wanê. Masîvan ji ber bihayê masiyên încî kefalî erzan in û mazot bihaye bi gazin in û diyar dikin ji ber depoya hewaya sar li benderê nîne nikarin masiyan bişînin bajarên din.
Yek ji bajarên herî zêde betalî lê heye Êlih e. Ciwanên ku bi zor kar peyda dikin jî, bi heqdesteke di biniya meaşê kêmtirîn de dixebitin. Ciwanên karker gotin, ew rojê herî kêm 12 saetan dixebitin. Ciwanan bi lêv kir ku ew bê sîgorte dixebitin û mehê herî zêde hezar û 200 lîre distînin.
Ji ber zemên ku her roj tên kirin êdî welatî nikarin debara xwe bikin. Waniyan destnîşan kir ku ya ku dibe sedema krîza aborî şer e û gotin: “Pereyên ku pê tang, top, çek, barûd û balafir tên kirîn dibin sedema bê aramiyê. Niha zema herî zêde li bêhuzûriyê tê kirin.”
Hevserokê Şaxa SES'e ya Îzmirê Dr. Fatih Surenkok, diyar kir ku bi pergala Nexweşxaneyên Bajar re bêtir ked erzan dibe û wiha got: "Bi pêşxistina pergala Nexweşxaneyên Bajar re îktîdar nexweşan wekî muşterî û rayedarên tenduristiyê jî wekî bazirganan dibîne."
Nûnerê Herêma Çukurova yê DÎSK'ê Huseyîn Yaşar Gundogdu, diyar kir ku daneyên TUÎK'ê yên betaliyê rastiyê nîşan nade û wiha got: "Mirov tenê li rewşa Edeneyê binere dikare rewşa tevahiya Tirkiye ya betaliyê texmîn bike. Rêya xelaskirina betaliyê di guhertina desthilatdariyê re derbas dibe.