Sekreterê Giştî yê NATO’yê Jean Stoltonberg piştî erdheja Mereşê hate Tirkliyeyê û bi Wezîrê Karên Derve Mevlût Çavuşoglû û Serokkomarê AKP’î Tayyîp Erdogan re hevdîtin kir.
Hevserokê Giştî yê HDP’ê Mîthat Sancar ku li Meletiyê serdana mexdûrên erdhejê kir da zanîn ku her kavilek cihê sûc e û wiha got: “Divê em bi hev re bikevin nav hewldanan ku berpirsyarên vê hilweşandinê bînin noxteya hesab pirsînê.”
Serokê Giştî yê MHP’ê Devlet Bahçelî ku di 9 rojên erdhejê de tu deng jê derneket, îro xuya kir û weke her carê, dîsa gef xwarin.
Serokê Giştî yê CHP’ê Kemal Kiliçdaroglû diyar kir ku hilbijartin tenê di şertên şer de dikare were taloqkirin û got îktidar ji hilbijartinê direve û xwest demildest dîroka hilbijartinê bê diyarkirin.
Hevserokê Giştî yê HDP’ê Mîthat Sancar bal kişand ser biryara KCK’ê ya bêçalaktiyê û wiha got: “Divê dewlet û îktîdar jî di vê serdemê de dawî li polîtîkayên şer û ewlehîpereset berde.”
OHAL’a ku Serokkomarê AKP’î Tayîp Erdogan ji bo herêma erdhejê ragihand li Meclisê tê nîqaşkirin.
Serokê Giştî yê CHP’ê Kemal Kiliçdaroglû diyar kir ku îktidara AKP’ê welat ber bi hilweşandinê ve biriye û got: “Berpirsê vê pêvajoyê Erdogan bi xwe ye. Bacên erdhejê bi çeteyan dan xwarin.”
Desteya Rêveberiyên Xwecihî ya HDP'ê diyar kir ku ew ancax bi pişetavniyê dikarin ji heq karesata erdhejê derkevin û ji bo alîkariya ji bo mexdûrên erdhejê bang kir.
Meclisê, ji ber erdheja li Kurdistanê hefteyekê navber da xebatên xwe.
Parlamenterê HDP'ê Mehmet Ruştu Tiryakî îşaret bi doza girtina HDP'ê kir û ji bo hilbijartinê got: "Em ê gelê xwe bê alternatîf nehêlin."
Serokwekîlê Koma HDP’ê Sarûhan Olûç diyar kir ku tecrîda li Îmraliyê parçeyek ji polîtîkaya tunekirina destkeftiyên demokratîk ên gelê kurd e û xwest hiqûq were bicihanîn.
Berdevka HDP’ê Ebrû Gunay diyar kir ku heta ku tecrîd neyê rakirin dê gel nikaribin nefese bigirin û banga beşdariya Meşa Gemlikê ya bi dirûşma “Ji bo çareseriyê em ber bi Îmraliyê ve dimeşin” li dar bixin kir.
Hevseroka Giştî ya HDP’ê Pervîn Bûldan diyar kir ku ew li dijî doza girtina partiyê ango HDP’ê alternatîfên wan hene û wiha got: “Li dijî lîstokên wan planên me B û C hene. HDP wê teqez di hilbijartinê de jî di siyaseta Tirkiyeyê de jî cihê xwe bigire.”
Parlamentera HDP’ê Şevîn Coşkun pêşnûmepirsek da Serokatiya Meclisê û ji Wezîrê Dadê Bekir Bozdag binpêkirinên li Girtîgeha Tîpa L a Panosê pirsî.
Tifaqa Milet, “Metna Mutabeqeta Polîtîkayên Hevpar” parve kir ku bingeha beyannameya hilbijartinê û bernameya hikûmetê ye. Di metnê de têkildarî kurdan, Peymana Stenbolê û mijarên din ên sereke tu tişt nehatin parvekirin.