Hevserokê HDP’a Êlihê Nîzamettîn Toguç anî ziman ku li gel hilbijartina zordest jî gelek bi lez refleks nîşan dan û li hemû navçeyên xwe komîsyonên hilbijartinê ava kirin û got: “Divê partiyên kurd jî di hilbijartinê de ferasetek bi ser siyasete re nîşan bidin û bi xetereya neteweyî tevbigerin."
Hevserokê Giştî yê HDP’ê Sezaî Temellî têkildarî hilbijartinê wiha got: “Ji ber em partiya Tirkiyeyê ne, em ê bi namzetê Tirkiyeyê bikevin hilbijartinê. Em ê bi nazmetên xurt bikevinê, ji ber ku bernameya me ya xurt heye. Ji bo em van bernameyan bixin meriyete, em ê hemû bi hev re bixebitin.”
Hevseroka Giştî ya HDP’ê Pervîn Buldan diyar kir ku yên çarenûsa hilbijartina 24’ê Hezîranê aşkere bikin jin in û ji ber vê yekê pêdiviya Tirkiyeyê bi “tifaqek jinan” heye û dixwazin vê tifaqê ava bikin.
HDP biryar girt ku di her du tûrên hilbijartina zordest de bi namzetên xwe bikevin hilbijartinê. Di encama nîqaşan de yê ku navê wî herî zêde derdikeve pêş Selahattîn Demîrtaş e. Piştî di 30’ê nîsanê de li Silîvrî danişîna Demîrtaş bê dîtin dê HDP jî li gorî vê yekê navê namzetê xwe zelal bike.
Parlamenterê HDP’ê Ertugrul Kurkçu, diyar kir ku AKP’ê bi biryara hilbijartina zordest re dest bi şerekê bêmaf kiriye û got: “Hûn bê minetin va ye qad li ber we ye.” Parlamenterê HDP’ê Erdal Ataş jî got ku tirsa wan mezin bûye.
Hevserokê Giştî yê HDP’ê Sezaî Temellî, di konferansa pêk hat de bi ciwanên partiye re li hev kom bûn. Temellî, diyar kir ku nifûsa Tirkiyeyê ji sedî 17 ji ciwanan pêk tê û got: “Lê ligel vê yekê jî ji sedî 1,5 budçe ji bo ciwanan tê veqetandin. Em banga beşdarî siyasetê bibin li ciwanan dikin.”
15 wekilên CHP'ê tev li partiya ÎYÎ bûn.
Hevberdevka Meclîsa Giştî ya HDK'ê Gulîstan Kiliç Koçyîgît, diyar kir ku divê bi qasî heta hilbijartinê, piştî hilbijartinê jî xwe bi rêxistin bikin. Berdevkê HDK'ê Onur Hamzaoglu jî, ji girtîgehê name şand û got: “Taliya talî em dê bikenin"
Wekîlê Serokê Meclîsa Tirkiye û Parlamenterê HDP’ê Mîthat Sancar got: “Dema mirov pêkanînên qeyûman, girtina wekîlan, betalkirina wekîlan, polîtîkaya desthilatdariyê ya kurd û tifaqa bi MHP’ê re komî ser hev dike, li Kurdistanê encamên derkevin holê dê wateyek wan pir taybet hebe.”
Siyasetmedarê Kurd Musa Kulu biryara hilbijartina zordest nirxand û got: “AKP-MHP hewl didin xwe xelas bikin, lê li dijî vê divê mûxalîf bibe yek deng.”
Berdevkê HDP’ê Ayhan Bîlgen bersiv da gotinên “wan di sindoqan de veşêrin” ên Erdogan û got: “Dixwaze pevçûnên arezûyên xwe jî li ser me birêve bibe. Lê civak vê dibîne. Dê kê di sindoqan de bê veşartin û fetisandin em ê di demek nêz de bibînin.”
Alîkarê Hevserokên Giştî yên HDP’ê Saruhan Oluç diyar kir ku dê hefteya bê namzetên xwe yê Serokomariyê ji raya giştî re aşkere bikin.
Hevseroka Giştî ya HDP’ê Pervîn Buldan diyar kir ku ew bi rihê hilbijartina 7’ê Hezîranê xwe ji hilbijartina 24’ê Hezîranê re amade dikin û got: “Ji bo em ji AKP’ê rizgar bibin ev hilbijartin fersend e.”
Rêxistinên HDP’ê û DBP’ê yên Colemêrgê starta hilbijartina pêşwext dan û gel vexwendin civîna “Kordînasyona hilbijartinê” ya dê sibê bê lidarxistin.
Hevserokê Giştî yê HDP’ê Sezaî Temellî diyar kir ku tirsa desthilatdariyê bi xwe re hilbijartina pêşwext anî û got: “Vê tirsa wan hêviya demokrasiya pêşwext afirand. Ecelê bizinê nanê şivên dixwe.”