Namzetê Serokkomarîyê yê HDP'ê Selahattîn Demîrtaş, diyar kir ku HDP di bin bendavê de namîne, lê dikarin di bin bendavê de bihêlin û got: “Êdî ev ne tenê pirsgirêka HDP’ê ye. Ji ber vê dê hinek dengên xwe bidin HDP’ê, lê hinek jî dikarin hewldanên dizekên dengên HDP’ê asteng bikin.”
Hevserokê Giştî yê HDP’ê Sezaî Temellî di mitînga partiya xwe ya Xarpêtê de axivî û got: “Detshilat wek beriya 7’ê Hezîranê hatiye rewşa alîkarî ji şer dixwaze. Em ê di 24’ê Hezîranê de ya ji şer re ya jî ji aştiyê re bêjin erê.”
Parlamenterê HDP'ê yê Amedê û endamê Heyeta Îmraliyê Îdrîs Baluken ku girtî tê darizandin, yekem car der barê pêvajoya aştiyê, hilbijar9tin û pirtûka xwe ya ku bê çapkirin de axivî. Baluken got: "Kesên xwestin di şexsê min de pêvajoya çareseriyê ceza bikin dê dawiya dawî vîna aştiyê ya gelê Tirkiye li hemberî xwe bibînin." Baluken, bal kişand ser pirtûka nivîsandiye jî got: "Min xwest ji milî tekoşîna polîtîk bi hêza fikrê ya wêjeyê jî bersîv bidim. Ava cewher a Dara Jiyanê aştî ye. Teamê wê jî evîn e."
Namzetê HDP’ê yê Amedê Îmam Taşçier, destnîşan kir ku heta pirsgirêka kurd çareser nebe dê demokrasi neyê Tirkiyeyê û ji bo çareserkirina pirsgirêkê divê pêşî kurd bên gel hev.
Hevseroka Giştî ya HDP’ê Pervîn Buldan li Qoserê axivî û got: “Em ê hesabê hilweşandina peykerê Ugur Kaymaz ê 12 salî ku bi 13 guleyan qetil kirin di 24’ê Hezîranê de bipirsin.”
Hevserokê KCD’ê Berdan Ozturk bertek nîşanî gotina “Raboriya min jî kurd e” ya Serokwezîr Bînalî Yildirim ku ji colemêrgiyan deng xwest da û got: “Êdî kurdên ku berê bawerî bi AKP’ê dianîn jî niha tu bersivê nadin van gotinan.”
Namzetê Serokkomariyê yê HDP'ê Selahattîn Demîrtaş diyar kir ku dengên AKP'ê kêm dibe û êdî nikare welêt bi rê ve bibe.
Namzetê HDP'ê yê Osmaniyeyê karkerê înşeatê Muslum Çagan, anî ziman ku ji bo di Meclîsê de bibe dengê hevalên xwe yên karker ew bûye namzet.
Hevseroka Giştî ya HDP'ê Pervîn Buldan li Farqînê xîtabî hezaran kesan kir û got: "Partiyên din dê dîsa di hilbijartinê de bên ber deriyên we û dengan ji we bixwazin. Lê tu dengên ku em bidin kujerên xwe tune ye. Gelê kurd êdî dengê xwe nade partiyên vîn û nasnameya wan înkar bike. Gelê kurd êdî yekîtiya xwe ava kiriye. AKP'ê dît ku winda dike difikire ku sindoqan bibe Qandil û Minbiçê."
Hevserokê Giştî yê HDP’ê Sezaî Temellî li Siwêregê bi gel re hat gel hev û got: “Yên ku pirsgirêka kurd çareser nekirin hemû li sergoyê çopê ne. Dor hat AKP’ê hemin te jî çareser nekir, lê hûn ê jî biçin sergoyê çopê. Dev ji polîtîkaya xwe ya şer berdin û bi edebê xwe biçin.”
Berdevkê HDP'ê Ayhan Bilgen, gotinên Erdogan yên duh li Amedê kirin bi zimanekî tuj rexne kir û wiha got: “Prompterê jî xwe li ber gotinên Erdogan ranegirt. Ratiyên dîrokê serobin dike. Her tiştî berovajî dike."
Namzetê Serokkomariyê yê HDP’ê Selahattîn Demîrtaş ku ji Girtîgeha Edîrneyê kampanyeya hilbijartinê bi rêve dibe diyar kir ku dê pergala zilma heyî di 24’ê Hezîranê de bi dawî bibe û got: “Diyar bû ku AKP dê hilbijartinê winda bike.”
Hevseroka Giştî ya HDP'ê Pervîn Buldan, di çarçoveya xebatên hilbijartina 24'ê Hezîranê de li Îdirê beşdarî mîtînga gel bû. Buldan, di mîtingê de xîbatî gel kir û got: "Me soz da malbatên ku zarokên xwe winda kirin. Me Sûr, Gever, Nisêbîn, Cizîr ji bîr nekir. Me soz daye wan. AKP'ê li Îdirê bazirganî qedand. Berê 4 hezar TIR'an diçûn û dihatin. Niha daketin 400 TIR'an. Gel dê li sindoqan xwedî derkeve."
Hevserokê Giştî yê HDP'ê Sezaî Temellî, polîtîkayên AKP'ê yên li dijî olê îslamê rexne kir û destnişan kir ku herî zêde AKP'ê zerar da olê îslamê û wiha got: "Erdogan bikeve dê faîz bikeve, Erdogan bikeve dê dowîz bikeve."
Hevserokê Giştî yê HDP’ê Sezaî Temellî DTSO ziyaret kir û got: “Aboriya herêmê têk diçe. Esnaf û gel xwîn digirî û ew jî pereyan dixwin. Teşvîkê ji vir girtine, lê birine li Stenbol, Girava Man û New York’ê xwarin e.”