Pêşniyarqanûna ku dê heta 3 salan şûna Rewşa Awarte ya qaşo bi awayekî fermî hatiye rakirin bigire, îro tê Lîjneya Giştî ya Meclisê û dê bê gotûbêjkirin. Heke pêşnûmaqanûn bê qabûlkirin, dê pêkanînên ku ji aliyê muxalefetê ve wek ‘Rewşa Awarte ya Mayînde’ tê penasekirin, dê berdewam bikin.
Siyasetmedar Dr. Faîk Gulpî der barê yekitiya neteweya kurd diyar kir ku hin hizbên kurdan ji ber ku berjewendiyên xwe di ser berjewendiyên gelê kurd re dibîne ji yekîtiyê dûr dikevin û bêtir di xizmeta dewletên desthilatdar dikin. Dr. Gulpî bal kişand tecrîda li ser Rêberê PKK'ê Abdullah Ocalan jî û got hêzên desthilatdar ên naxwazin fikrên Ocalan belav bibin di tecrîdê de israr dikin, lê êdî fikrên Ocalan belav bûne û tecrîd ne çareserî ye.
Parlamenterê CHP’ê yê Stenbolê Sezgîn Tanrikûlû, mijara hevalê wezîrê xezîne û darayiyê û profesorê salekê Nûrî Aydin ku beriya çend rojan wek rektorê Zanîngeja Stenbolê hat peywirdarkirin, bir meclisê.
Hevserokê Giştî yê HDP'ê Sezaî Temllî, diyar kir HDP dê hemû mûxalifeta xwe nexe parlamentoyê û got: "Berevajî, emê li tevahiya Tirkiyeyê mafê xwe biparêzin, têkoşîna xwe ya aştî û demokrasiyê mezin bikin û em ê muxalifetê li hemû qadan bihûn in."
Kemal Bulbul diyar kir ku çareserkirina pirsgirêka elewiyan nikare bi nasîna statuya malen cemên bê sînordarkirin û wiha got: “Ji bo çarseriyê ji makeqanûnê heta perwerdeyê pêwîstî bi guhertine zihniyete heye. Em ê jî ji meclisê heta kuçeyê li her qadê têkoşîna vê yekê bidin.”
Hevseroka Giştî ya HDP’ê Pervîn Bûldan li Wanê axivî û got: “Nexşerê ji bo gelê me û siberoja Tirkiyeyê xwedî wate û girîngiyê ye. Em ê li dijî Rewşa Awarte ya mayînde têkoşînê xurt bikin. Em ê li cem malbatên xwe yê zarokên wan jiyana xwe ji dest didin bin.”
Berdevkê HDP’ê Sarûhan Oluç der barê pêşnûme qanûna ku AKP’ê piştî rakirina Rewşa Awarte dixwaze bixe meriyetê axivî û got AKP’ê dixwaze pekanînên Rewşa Awarte di pêşnûme qanûnê de bi cih bike û bi vî rengî Rewşa Awarte mayînde bike.
Parlamenterên HDP’ê li Wanê ketin kapma 3 rojan. Di roja ewil a kampê de jin li hev kom bûn. Hevseroka Giştî ya HDP’ê Pervîn Buldan di kampê de axivî û got: “Em ê di kampê de xeta têkoşînê diyar bikin. Em ê li dijî rejîma yekperest têkoşînek xurt a jinan bidin destpêkirin.”
Wekîlê Serokên Koma HDP’ê Ayhan Bîlgen li Meclîsê daxuyaniyeke çapemeniyê da û got: "Dirêjkirinên 3 mehî diqedin lê vê carê dirêjkirinên 3 salî têne destpêkirin."
Serokê OSP'ê Sînan Çiftyurek, daxuyaniya Serokê Rêveberiya Herêma Kurdistan a Federe Neçirvan Barzanî a der barê Qendîlê de rexne kir û got: 'Divê kurdên Başûr û kurdên li Tirkiye li dijî vê yekê helwesta xwe nişan bidin. Çawa ku Efrîn û Şengal ya hemû kurdan e, Qendîl jî çiyayê hemû kurdan e."
26 xalên sererastkirina piştî ji bo OHAL’ê hatin amadekirin têkildarî van xalan daxwaz pêşkêşî Serokatiya Meclîsê kirin.
HDK’ê encamnameya civîna Meclîsa xwe ya Giştî aşkere kir û got: “Di serdema nû de li şûna parlamentoyê divê kolan bêtir esas bê girtin. Ji dema berê cudatir rêxistinbûyîna kolana lazim e.”
Partiya Gel a Komarê (CHP) ji bo kongreya awarte pêk bîne dest bi komkirina îmzeyan kir.
Parlamenterê HDP’ê Omer Faruk Gergerlîoglu, ku her dem li dijî OHAL'ê dengê xwe bilind kir, bal kişand ser pêvajoya OHAL'ê û diyar kir ku Tirkiye tu carî serdemek wisa nejiya ye û wiha got: "Îktîdarê hewldana darbeyê ji bo xwe kir firsend. Em dikevin pêvajoyek ku parastina wê tune ye."
Hevberdevka HDK'ê û Parlamentera HDP'ê ya Mûşê Gulistan Kiliç Koçyîgît, bal kişand ser tecrîda li ser Rêberê PKK'ê Abdullah Ocalan ku li Girtîgeha Tîpa F a Ewlehiya Bilind a Îmraliyê 19 salin tê girtin û got: "Ji 5'ê Nîsana 2015'an heta niha em tu agahî ji tenduristî û ewlehiya Ocalan nastînin. Tenê di 11'ê Îlona 2016'an de Mehmet Ocalan carekê hevdîtin kir û wekî din em tu agahî nastînin. "