Endama Desteya Rêveber a Hevserokatiya Partiya Yekitiya Demokratîk ( PYD) Hediya Yûsif, destnîşan kir ku kantona Efrînê di encama lihevkirina navnetewî de hate dagirkirin û wiha got: "Hêzên kapîtalîst bi rêya dagirkirinê hewl da fikirê neteweya demokratîk têk bibe. Fedekariyên gerîlayên PKK'ê çavkaniya hêza Şoreşa Rojava û sedema sereke ya xweragirtina wê ye."
Wezîrê Edaletê Abdulhamît Gul, piştî rexneyên Wezîrê Karên Hundir Soylû yên li darazê ev daxuyanî da: “Kesên neecibînin dikarin mafê xwe yê îttîrazê bi kar bînin nikarin gefan bixwin.”
Şandeya KCD, DBP û HDP’ê di çarçoveya xebatên yekitiya neteweya Kurd de çû Sêrtê û esnaf ziyaret kir.
Serokwekîlê Koma HDP’ê Sarûhan Olûç, diyar kir ku daxwazên girtiyên ku ji bo rakirina tecrîdê ketine greva birçîbûnê daxwazin demokratîk û mirovî ne û ev tişt got: “Bicihanîna van daxwazan ne zehmet e.”
Parlamenterên HDP'ê, derbarê biryara DMME'ya ji bo Selahattîn Demîrtaş hatibû de pêşniyazname dan Meclîsê û pirsa, "Komara Tirkiyeyê, ma ne mecbûre biryara DMME'yê bi cih bîne" pirsîn.
Serokê Giştî yê TÎP'ê Erkan Baş, anî ziman ku Hrant remza jiyana hevpar, xwişk û biratiyê ye û wiha got: “Eger em dixwazin Hrant bidin jiyandin, divê em vî kumê spî yê li serê vî welatî hatiye gerandine derxin û bavêjin."
Rêveberên PÎA'yê Navenda Giştî ya HDP'ê ziyaret kir. Di ziyaretê de Hevserokê Giştî yê HDP'ê Mithat Sancar diyar kir ku nêzîkatiya li dijî PÎA'yê li dijî Destûra Bingehîn û Zagona Partiyên siyasî ye. Sancar, anî ziman ku rayedar sûç dikin.
Berdevkê Komîsyona Têkiliyên Derve yê HDP'ê Hişyar Ozsoy, têkildarî polîtîkayên Serokê nû yê DYA'yê Jeo Biden ku dest bi kar bike, diyar kir ku dê polîtîkayên DYA ji bo Rojava, Başûr û Bakur cuda bin û wiha got: "DYA dê li Rojava û Başûr têkiliyên xwe xurt bike, dê li Bakur jî piştgiriyê bide polîtîkayên Tirkiyeyê yên mîlîtarist."
Parlementerê HDP’ê Omer Farûk Gergerlîoglû, sedema astengiya avakirina Partiya Însan û Azadî ji Wezîrê Karê Hûndir pirsî.
Siyasetmedar Fîgen Yuksekdag îdianameya Kobanê nirxand û got: “Yên ku vê êrişa darbeya siyasî li dijî HDP’ê û me li dar xistin, hevkarên wê her kes wê bi sûretê sûcdar di rûpela dîrokê de were nivîsandin. Wê encama vê doza li hev anîne û bi zorlêkirin çi dibe bila bibe wê herikîna dîrokê neguherîne.”
Cîgirê Hevserokên Giştî yê HDP'ê Alîcan Onlu, têkildarî çalakiyên greva birçîbûnê û tecrîdkirina Ocalan nirxandin kir û wiha got: "Dijderketina tecrîdê ne tenê dijderketina tecrîdkirina Ocalan e, dijderketina tecrîdê di heman demê de dijderketina tecrîdkirina li dijî xwe ye jî."
Parlamentera HDP’ê Gulîstan Kiliç Koçyîgît, bal kişand ser çalakiya greva birçîbûn a li girtîgehan 50 rojin li dijî tecrîda li Girtîgeha Îmraliyê dewam dike û got: “Em bang li hemû raya giştî ya demokratîk dikin ku bibin dengê girtiyan.”
Cîgira Seroka Koma HDP’ê Meral Daniş Beştaş diyar kir ku îdianameya Kobanê ne metnek hiqûqî ye, argûmana tasfiyekirina kurdan a ji siyasetê ye û got: “Ya ku were darizandin ne HDP ye, AKP û sepanên xwe ne.”
Serokê Giştî yê Partiya Însan û Azadî Mehmet Kamaç diyar kir ku wan li dijî astengkirina damezrandina fermî ya partiya xwe li avahiya Wezareta Karên Navxweyî dest bi çalakiya nobetê kirine û banga piştevaniyê li muxalefetê kir.
Berpirsa Jinan a Partiya Hevbendiya Nîştimaniya Demokratîk a Sûriyê Muna El-Xelef têkildarî bêdengiya Rûsya ya li dijî sûcên dewleta Tirk a dagirker û got: “Ev bêdengî nîşan dike ku Rûsya pê re hevkar e û dixwaze rê li pêşiya dewleta Tirk veke da ku herêmê dagir bike.” Xelef, destnîşan kir ku Tirkiye dixwaze Eyn Îsayê dagir bike.