Endamên Şandeya Îmraliyê ya DEM Partiyê ji bo hevdîtina bi Erdogan re bi rê ketin. Şandeyê li Navenda Giştî ya DEM Partiyê daxuyaniyeke kurt da. Pervîn Bûldanê got ku ew ê gavên ku divê bên avetin gotûbêj bikin.
Rewşa rojnameger Huseyîn Aykol ku xwîn çûbû ser mejiyê wî û hatiye entubekirin, giran e.
Zanyarê Siyasetê Eren Aksoyoglû, diyar kir ku siyaseta Abdullah Ocalan li Meclisê bike pêwîstiyeke pêvajoyê ye û got: “Heke Meclis giraniya xwe nîşan bide; diviyabû Abdullah Ocalan bianiya Enqereyê, Meclisê. Di vê pêvajoyê de peywir dikeve ser milê sosyal demokratan.”
Hevberdevka HDK’ê ya Stenbolê Dîdem Yilmazê diyar kir ku hewceye dewlet gavên her kes li bendê ye biavêje û got: “Divê devlet verastkirinên zagonî yên baweriyê didin bike.”
Hevserokê Giştî yê DEM Partiyê Tuncer Bakirhan li Qersê axivî û got: “Divê bi zagonên veguhêz re azadî û maf bên misogerkirin.”
Parêzerê Şerîfe Mihemedî yê bi navê Emîr Reîsyan, diyar kir ku cezayê darvekirinê yê li muwekîla wê hatibû birîn hatiye betalkirin û ceza veguherandine 30 sal cezayê hefsê.
Hêzên îstîxbaratê yên Îranê bi ser mala Zîlan Kemanger a li Kamyaranê de girtin û binçav kirin.
Delegeyên Înîsiyatîfa Yekitiya Demokratîk diyar kirin ku pêkhatina yekitiya Kurdan dê pir beşdarî pêvajoyê bibe û gotin: "Heta ku em, gelê Kurd, yekitiya xwe ava nekin, em nikaribin bigihîjin tu statuyekê yan jî tu encaman bi dest bixin."
Endamê Komîsyona Girtîgehan a Şaxa OHD'ê ya Amedê Ferat Koçeroglû anî ziman ku pêvajoya ku ji bo çareserkirina pirsgirêka Kurd tê meşandin li girtîgehan xwe nedaye der û got: "Pêvajoya li derve bandor li girtîgehan nekiriye."
Yekem danişîna doza hevşaredarên Şaredariya Akdenîzê ya qeyûm tayinî wê hat kirin, dê sibê li Dadgeha Cezayê Giran a 2'yan a Mêrsînê bê lidarxistin.
Endama Meclisa Dayikên Aştiyê Muşeher Ulkeyê bal kişand ser neavêtina gavan ji aliyê dewletê ve û got: "Banga min ji serokkomar re ev e ku li sozên xwe xwedî derkeve. Dema ku te got, 'Bila çekên xwe deynin û gavan biavêjin', wan gav avêtin; niha divê hûn jî bi lez gavan biavêjin."
Zanyarê siyasetê Levent Koker diyar kir ku gavên ku divê dewlet wekî parçeyeke ji pêvajoyê bavêje têrê nakin û got: "Divê komîsyon niha pêşniyazên qanûnî yên der barê entegrasyona demokratîk de berbiçav bike."
Îdareya Girtîgeha Ewlehiya Bilind a Ereglî ya Konyayê wêneyê Ceylan Onkol a hat qetilkirin bifikar hesiband û neda pismamê wê Ferhat Onkol.
Endamê Konseya Rêveber a KCK’ê Mustafa Karasû biryara vekişîna gerîla ji Tirkiyeyê ji bo dewlet gavan bavêje wekî teşwîqkirinê nirxand û got: “Qanûnên azadiyê û rewşa Rêber Apo ya ku di mercên xebata azad de be xala krîtîk a pêvajoyê ye.”