18 girtiyên nexweş ên ku li girtîgehên Mêrsînê têne ragirtin, tevî nexweşiyên xwe yên tenduristiyê yên giran jî nayên berdan. Parêzer Muammer Derînce, got: "Em bang li parêzvanên mafên mirovan, saziyên demokratîk û raya giştî dikin ku di vê mijarê de bikevin nava tevgerê."
Li gorî rapora pêvek a ATK’ê ya têkildarî Rojîn Kabaîşê de teqez bû ku 2 DNA’yên li ser bedena Rojîn Kabaîşê hatine tespîtkirin neperîne. Hat zanîn ku ji vir şûnde dê dozgerî têkildarî kesên gumanbar nirxandina xwe bike û DNA’yan bide ber hev.
Girtiyan, ji bo rojnamevan Huseyîn Aykol ku xwîn çûbû ser mêjiyê wî û tedawiya wî didome, nameya piştevaniyê şandin. Girtiyan di nameyên xwe de diyar kirin ku ew bawer in ew ê bi îradeya xwe ya şoreşgerî vê nexweşiyê têk bibe.
Mehmet Emîn Esen li Girtîgeha Hejmar 2 ya Bi Ewlehiya Bilind a Amedê tê ragirtin. Lijneya Îdare û Çavdêriyê, di nava salekê de negirtina cezayên disiplînê ya Esen weke "bi zanebûn sûc nekiriye" û tehliyeya wî taloq kir.
Mehmet Edîp Taşar ku li Girtîgeha Tîpa L a Marmarayê tê ragirtin 18 caran anjiyo bûye û 8 stent jî xistine dilê wî. Kurê wî Agît Taşar bang kir ku bavê wî tavilê bê berdan.
Ji bo rojnamevan Huseyîn Aykol ê piştî emeliyatê enfeksiyonê pişika wî girt û belav bûye, dest bi dayîn hin dermanên din hat kirin.
Selçûk Mizrakli bi sedema ku dema înfaza cezayê wî ketiye bin salekê, ji bo tehliyeyê serlêdan kir. Serlêdana Mizrakli hate redkirin.
Rojnamevan Sevda Perihan Erkilinç di danişîna ewil a doza xwe de hat berdan.
Ekrem Îmamoglû daxuyanî da û got: “Îdianameya ÎBB’ê bi zextê û bi îftîrayan hatiye amadekirin û ji derewên we pêk tê.”
Dûran Kalkan anî ziman ku pêvajo mecbûrî ye ne tercîh e û got: "An wê bi ser bikeve an wê bi ser bikeve. Bi sernekeve wê felaket bibe. Lewma ji bo serketina pêvajoyê çi pêwîst be em ê wê bikin."
Emîne Bûlût, xwişka Şengul Yilmaz a li Dîlovasiyê di cinayeta li cihê kar de jiyana xwe ji dest da, got ku zabiteyên şaredariyê yên ku ji bo vekolîna kargehê hatine, qutiyeke deodorantê wergirtine û hatine şandin.
Şaredarê berê yê Hopayê Yilmaz Topaloglû, têkildarî Pêvajoya Aştî û Civaka Demokratîk axivî û got: “Êşa li Behra Reş jî, ya li Amedê jî heman êş e. Divê xelkê Behra Reş jî di pêvajoyê de aktor be.”
Mehmet Karakûş ku li ser paşxaneya dîrokî ya rêxistina komunan sekinî, got: "Komunên li Kurdistanê divê bi tevahî bi dilxwazî bin û li ser bingeheke dilxwazî werin avakirin."
Xwişka girtiyê bi navê Şukru Baytar Melahat Sarhan ê ku tehliyeya wî piştî ferzkirina poşmaniyê cara sêyemîn hate astengkirin, got: “Li wî poşmaniyê ferz dikin, birayê min kes nekuştiye ku poşman bibe.”