Nivîskar Mehemt Serhat Polatsoy bi îdiaya “telîsê bombeyê” demekê di girtîgehê de ma. Li Polatsoy 7 sal û 6 meh cezayê hefsê hate birîn û “rapora” dijîtal a ku dema Polatsoy girtî li ser yekî hatibû dîtin weke hinceta cezayê hat nîşandan.
Rojnameger Ziwer Şêxo bi hinceta ku li Sûriyeyê li herêmên Elewî lê dihatin qetilkirin weşan kiriye hatibû binçavkirin. Şêxo, got: “Ji hinek malbatan tenê yek kes mabû. Li hinek gundan 200 kes hatibûn qetilkirin.”
Hevserokê KURDÎGEH’ê Mesût Kertîş diyar kir ku divê her kes piştgiriyê bide banga Abdullah Ocalan û got: “Hewceye dewlet demildest gavan biavêje. Yek ji gavan jî statuya zimanê Kurdî ye.”
Rêveberê MED TUHAD-FED’ê Şafî Hayme ku 3 sal û nîvan bi girtiyê nexweş Soydan Akay re di girtîgehê de mabû, diyar kir ku divê hemû girtiyên nexweş demildest bên berdan.
Dayikên Aştiyê diyar kirin ku ew piştgiriyê didin banga Abdullah Ocalan û bang li îktîdarê kirin ku Abdullah Ocalan were berdan.
Di çalakiyên li Enqere û Stenbolê de, daxwaza berdana girtiyên nexweş Soydan Akay û Emîn Aladag hat kirin.
Cenazeyê siyasetmedar û nivîskarê kurd Îbrahîm Sungur li Goristana Akkopruyê hat veşartin.
Komeleya Mafên Mirovan (ÎHD) û xizmên windayan ji bo aqûbeta windayan bipirsin û ji bo darizandina faîlan li Amed, Êlih, Colemêrg û Îzmîrê hatin ba hev.
Hamide Değirmencî li Colemêrgê bi awayekî biguman jiyana xwe ji dest da.
HPG'ê daxuyand ku tevî biryara agirbestê jî êriş didomin û di bombebarankirina SÎHA'yan de 2 endamên wan jiyana xwe ji dest dane.
Hevserokê Giştî yê OHD'ê Serhat Çakmak diyar kir ku ger ji bo "mafê hêviyê" sererastkirin neyên kirin ew ê rewşê ragihînin Komîteya Wezîran a Konseya Ewropayê. Çakmak got ku amadekariyên serlêdana giştî ya li Meclisê dikin.
Abîdeya ku ji bo kesên di Komkujiya Gara Trenê ya 10'ê Cotmehê de jiyana xwe ji dest dabûn hatibû çêkirin, hat texrîbkirin. Malbatan diyar kir ku berê jî êrişên bi vî rengî çêbûne û bertek nîşanî nedîtina kiryaran dan.
Rojnamegerên ji bo şermezarkirina qetilkirina rojnameger Nazim Daştan û Cihan Bîlgîn tên darizandin wiha gotin: " Em ê bibin ziman û çalakiya heqîqetê û em ê parastina rûmeta rojnamegeriyê bidomînin."