NAVENDA NÛÇEYAN - Hat ragihandin ku îro 160 malbatên iraqî ku hejmara wan 600 kes in, ji Kampa Holê vegeriyane Iraqê.

 

Çapemeniya Iraqê ragihand ku Wezareta Koç û Koçberan a Iraqê 160 malbatên iraqî ku hejmara wan 600 kes in, ji Kampa Holê vegerandiye Kampa Ceda ya li Musilê. Hat gotin ku piraniya wan jin û zarok in.

 

Hat diyarkirin ku veguhastina wan malbatan bi hemahengî û hevbeşî pêk hatiye û her wiha hejmara malbatên ku heta niha ji Kampa Holê hatine vegerandin gihîştiye nêzî 3 hezaran.