RIHA - Festîvala 4’ê Nîsanê ya ku ji bo 76’emîn rojbûna Rêberê Gelê Kurd Abdullah Ocalan li Xelfetiyê tê lidarxistin, di roja duyemîn de didome.
Li navçeya Riha Xelfetî (Halfetî) bi boneya 76’emîn rojbûna Rêberê Gelê Kurd Abdullah Ocalan bi dirûşmeya “Bi Rêbertiya Azad ber bi Civaka Demokratîk” festîval tê lidarxistin. Di roja ewil a Festîvala 4'ê Nîsanê ya ku duh li Parka 4'ê Nîsanê dest pê kir de axaftin, meşa bimeşaleyan û konser hatin lidarxistin.
Festîval di roja duyemîn de danê sibê dest pê kir. Girseya ku piraniya wan ciwan û jin, danê sibehê dest bi hatina qada festîvalê kirin. Di çarçoveya bernameya îro de wê bi pêşengiya Tevgera Jinên Azad (TJA) heta gundê Amara yê ku Abdullah Ocalan lê ji dayik bûye meş bê lidarxistin.
Tê plankirin ku meş saet di 13.00'an de dest pê bike.