Dayika Aştiyê Hanse Bulut ku ji ber poşmantiya dihat ferzkirin qebûl nekir tehliyeya wê ji bo 3 mehan hatibû taloqkirin, hate berdan. Bulut, got: “Ez poşman nînim. Heta ku hebim dê dev ji doza xwe bernedim.”
Jinên ku li dijî êrişên dewleta tirk ên li ser Bakur û Rojhilatê Sûriyeyê banga têkoşîna yekgirtî kirin wiha gotin: “Divê li dijî feraseta serwer a dijminê jinan û kurdan em pratîka têkoşîneke xurt nîşan bidin.”
Di axaftinên vekirina Navenda Lêkolîn, Arşîv û Pirtûkxaneya Jinên Kurd de ev peyam hate dayîn: “Çiraya Nagihanê vêxistî dê li vê pirtûkxaneyê aj bide. Felsefeya Jin, Jiyan, Azadî dê mezin bibe.”
Jinên katolanyayê yên ji bo vekirina Navenda Lêkolîn, Arşîv û Pirtûkxaneya Jinên Kurd hatin Silêmaniyeyê, diyar kirin ku îro şahidiya rojeke dîrokî dikin û rizgarî bi têkoşîna jinan a azadiyê pêkane.
Pirtûkxaneya Jinên Kurd ku rojnamevan-akademîsyen Nagîhan Akarsel a li Silêmaniyê hate qetilkirin demekî dirêj xebatên wê meşandin îro tê vekirin. Bi pirtûkxaneyê dîroka jinan a nayê dîtin dê bê nivîsîn.
Hevala têkoşînê ya Hevseroka Kantona Qamişloyê Yûsra Derwêş a di êrişa hewayî ya dewleta tirk de hate qetilkirin, Semîra Hac Elî ku têkoşîna Derwêşê vegot, wiha got: “Yûsra bi zanebûna jineke kurd a azad, her tim li pêş bû.”
Jinan ji bo serdema nû bal kişand ser girîngiya têkoşîna jinan û gotin ku ew ê rêxistinbûyînê xurt bikin û li dijî êrişan li qadan bin.
TJA’yê bertek nîşanî bêdengiya êrişên li dijî Bakur û Rojhilatê Sûriyeyê da û wiha got: “Ev sûîqest, li dijî jina azad hatiye kirin. Divê pêşî li ber van êrişên li pêş çavên hemû cîhanê tên kirin were girtin.”
Aktîvîsta TJA’yê Zulfiye Kîşmîr diyar kir ku jinên li Rojava li dijî DAIŞ’ê li ber xwe dane di hedefe de ne û got: “Bi taybetî jinên ku di asta pêşengtiyê de ne dibin hedefa êrişan. Çimkî ji jinan ditirsin.”
TJA’yê têkildarî Hevseroka Kantona Qamişloyê Yûsra Derwêş ku di encama êrişa Tirkiyeyê de hate qetilkirin daxuyanî da. TJA’yê diyar kir ku têkoşîna azadiyê ya jinê di hedefê de ye û bang li qada navneteweyî kir ku li dijî van êrişan bikevin nava liv û tevgerê.
Aktîvîstên TJA’yê, endamên Meclisa Jinan a Partiya Çepên Kesk û HDP’ê li Amedê civiyan û êrişên li dijî Rojava şermezar kirin û diyar kirin ku di êrişan de jinên kurd tên hedefkirin.
Bi sedema êrişa zayendî, derheqê Şaredarê Guluçê yê AKP’î Gokhan Mûstafa Demîrtaş de lêpirsîn hate destpêkirin.
Rêvebera Komeleya Jinan a Rosayê Fatma Gultekîn a bi îdiaya “endamtiya rêxistinê” dihat darizandin, beraet kir.
Kesê bi navê Mertcan Kose jina bi navê Bîlge Kose ku di qonaxa hevberdanê de bû û bavê wê Ertûgrul Kaya qetil kir. Mertcan Kose 2 roj piştre hate binçavkirin.
Zennure Yuce di salvegera mirina keça xwe Sema Yuce de axivî û got: “Keça min ji bo me mîrate hişt. Em ê jî xwedî li doz û mîrateya wê derkevin.”