Serokkomarê Îranê Mesûd Pezeşkiyan, qanûna ku piştî êrişa Îsraîl û DYA’yê hatiye pêşkeşkirin û hevkariya Tehranê ya bi Ajansa Enerjiya Atomê ya Navneteweyî (UAEA) re dide sekinandin, erê kir.
Serokê DYA’yê Donald Trump ragihand ku Îsraîlê ji bo agirbesta 60 rojan a li Xezeyê şertên pêwîst qebûl kiriye.
Muhafizên Şoreşa Îranê li gundê Guniç ê bajarê Haşê êrişî birin ser welatiyan. Di êrişê de jinek hate qetilkirin û 11 jin jî bi giranî birîndar bûn.
Wezîrê Karên Derve yê Îranê Arakçi, diyar kir ku heke DYA temînatê nede wan ku êdî êriş li ser Îranê çênabin, ew ê venegerin ser maseya muzakereyan.
Serokatiya demkî ya welatên Ewropayê ku her 6 mehan carekê diguhere, derbasî Danîmarkayê bû.
Serokê DYA’yê Donald Trump, biryarnameya serokatiyê ya ku mueyîdeyên ser Sûriyeyê bi dawî dike îmze kir.
39 kesên dixwazin bi Abdullah Ocalan re hevdîtinê bikin dê ji Ewropayê bên Tirkiyeyê û di çarçoveya pêvajoyê de hevdîtinan bikin.
Sekreterê Giştî yê FLC CGIL’ê De Conca diyar kir ku bandora banga Abdullah Ocalan ne tenê bi herêmê re sînordar e û got: “Fikrên Ocalan, ji bo krîza demokrasiyê ya em dijîn çareseriyê pêşkeş dikin.”
Serokê DYA’yê Donald Trump li ser hesaba xwe ya medyaya dijîtal têkildarî Xezeyê daxuyanî da û xwest ku têkildarî pevguhertina dîlgirtiyan peyman were çêkirin.
Di encama êrişên hewayî yên di nava 24 saetan Îsraîlê li Xezeyê pêk anî de herî kêm 81 Filistînî hatin qetilkirin û zêdetirî 400 kes birîndar bûn.
Pispora Rojhilata Navîn Hamîde Rencûs êrîşa navbera Îsraîl û Îranê û biryara agirbestê ya piştî wê nirxand û got, "Rojhilata Navîn ancax bi demokratîkbûyînê dikare aştiyê pêk bîne. Ji bo vê jî pêwîste nêzîkatiyeke rêxistinbûyî ya gel hebe. Li Rojhilata Navîn aştî û dîzaynkirin bi gelan re pêkan e."
Di roja duyemîn a konferansa 100’emîn salvegera serhildana Şêx Seîd de dîroka serhildanê û bandora wê ya li Rojhilat, Bashûr û Rojava tê gotûbêjkirin.
Şandeya DEM Partiyê, ji bo nirxandina geşedanên Rojhilata Navîn û cîhanê di 22-28’ê Hezîranê de li Amerîkayê dest bi hevdîtinan kir.
Rojnameger Îkram Balekanî diyar kir ku agirbesta di navbera Îran-Îsraîlê de agirbesteke demkî ye û got: “Formula çareseriya Îranê, ‘Konfederalîzma Demokratîk’ a Abdullah Ocalan e. Bi vê yekê re şoreşa ‘jin, jiyan, azadî’ dê dîsa dest pê bike û heta serkeftinê bidome.
Rojnameger Resûl Geleban diyar kir ku şerê Îsraîl-Îranê li herêmê zemîna guherînê amade kir û got: “Heke PJAK, PDK-Î û Komala bibe yek, dê bikarin konfederalîzma demokratîk a mîn li Rojava ava li Îranê ava bikin.”