Li Taşûcûyê ji bo Lîmana Sekayê wekî herêma serbest bê veguherandin bêyî ku civîna ÇED'ê bê çêkirin li peravê dîwar hat lêkirin. Welatiyan diyar kir ku dê nehêlin qadên wan ên jiyanê bên qirêjkirin.
Wezareta Hawirdor û Guherîna Avhewayê qada ji 157 hektaran pêk tê ya Zanîngeha Dîcleyê ji bo cihûwarbûnê re vekir. Bi sererastkirinê re dê 10 hektarên qada daristanê bê tunekirin. Şaxa Odeya Plangerên Bajêr a Amedê li dijî sererastkirinê îtîraz kir.
Platforma Tendûristiyê ya Amedê “Panela Pandemî û Krîzên Piralî” li dar xist. Di panelê de Prof.Dr. Mûstafa Durmuş anî ziman ku sedema krîzên piralî, pergala kapîtalîzmê ye û weke çareserî jî rêya 3’yemîn û avakirina demokrasiya radîkal nîşan da.
Doza ku gelê herêmê û Odeya Avahîsazan a Enqerê, li dijî projeya DER-KAP'ê ya Şaredariya Dersimê li Dadgeha Îdareyê ya Erzînganê bi daxwaza guhertina cih vekiribûn, bi hinceta ku "Ne li dijî sûdeya gelemperiyê ye" hat redkirin.
Komeleya Çand û Piştevaniyê ya Dêrsimê û DAD’ê têkildarî operasyonên leşkerî yên li çoltarên Dêrsimê daxuyanî dan û xwestin ku di zûtirin demê de ev operasyon bên rawestandin.
Rêxistina HDP’a Çewligê ku li dijî santrala termîkê ya tê plankirin li gundê Xelîfan ê navçeya Kanîreşê were çêkirin daxuyanî da, anî ziman ku parastina xwezayê berpirsyariyeke miroviye û wiha got: “Em naxwazin xwezaya me were qirêjkirin.”
Dadgeha Kargêrî têkildarî projeya HES’ê ya ku dihat plankirin li Geliyê Zorê bê çêkirin û rapora “ÇED erênî ye” hatibû dayîn, bi sedema ne li gorî hiqûq û mewzûatê ye, betal kir.
Li Îzmîrê ekolojîstên ku li dijî talankirina ekolojiyê meşiyan, destnîşan kirin ku talana li bajêr tê kirin binpêkirina mafê jiyana tendurist e.
Welatiyên li dijî santrala termîk ku dê li gundê Xalefan ê navçeya Kanîreşê îhaleya wê were çêkirin derketin, diyar kirin hem ekolojî hem jî dê ew zirareke mezin bibînin.
Partiya Keskan a Kurdistanê, daxuyand ku di êrişên Tirkiyreyê yên li dijî herêma Behdîdanê de 3 milyon dar tune bûne.
Şaredariya Êlihê ku ji aliyê qeyûm ve tê birêvebirin, ava qenalîzasyonê direjîne çemê Êlihê. Ji ber vê bêhneke nexweş li derdorê belav dibe.
Ekolojîst Guner Yanliç diyar kir ku bi hilweşandina xwezayê ya bi hinceta “ewlehiyê” xistin dewrê bêdaristan û bêmirov hiştinê armanc dikin û xwest ku dest ji vê polîtîkayê berdin.
Birîna daran ku piştî destpêkirina êrişên leşkerî li çiyayê Cûdî û Bestayê dest pê kiribû, bi qedexeyan re didome.
Aktivîstên ekolojîyê bal kişandin ser talankirina ekolojiya herêmê û gotin: "Dewleta tirk xwezaya Kurdistanê ji bo şer bi kar tîne."
Gola Xizir ku li çiyayên navçeya Mazgêrt ên di bilindahiya hezar û 400’an de ye, bi xwezaya xwe ya bêhempa, hiş ji serê mirovan dibe.