Pêvajoya Aştî û Civak Demokratîk li Bakurê Kurdistanê û Tirkiyeyê rojeva sereke ye û bi nîqaşa berdewam dike. Çarçove Qanûn a ku demeke dirêj e di rojevê de ye û ji aliyê raya giştî ve tê nîqaşkirin û meraqkirin. Ev pêşnûmeya çarçove qanûn di merhaleyeke krîtîk de ye. Tê payîn di meha Tîrmehê de pêşnûmeya çarçove qanûnê bê rojeva Meclisê. Di vê merhaleya krîtîk de endamên Şandeya Îmraliyê ya DEM Partiyê ku ji parlamenter Pervîn Buldan û Mîthat Sancar pêk dihat duh êvarê bi Wekîlê Serokê Giştî yê AKP’ê Efkan Ala û Serokê Koma AKP’ê Abdullah Guler re hevdîtin pêk anî. Derbarê hevdîtinê de ji aliyê DEM Partiyê ve heta niha daxuyaniyek fermî nehatiye dayîn.

 

Piştî hevdîtinê ji aliyê rojname û saziyên ragihandinê ve îdiayên weke, “Çarçove Qanûn dê di meha Cotmehê de derbikeve” hatin belavkirin. Çavkaniyên ji DEM Partiyê ku em bi wan re axivîn, derbarê hevdîtinê de da zanîn ku ji bo qanûn di meha Tîrmehê de derkeve lihevkirinek ango mutabakatek heye û îdiayên weke, “Qanûn dê di meha Cotmehê de derkeve” derewandin.

 

Herwiha pêşnûmeya çarçove qanûnê dê beriya Meclis bikeve batlaneyê ji partiyên siyasî re bê şandin û piştre jî biçe Desteya Giştî ya Meclisê û li vir were gotûbêjkirin. Têkildarî pêşnûmeyê muzakere berdewam dikin.

 

MA / Omer Gungor