Dadgeha Cezayê Giran a 1'ê ya Amedê, i 19'ê Adara 2025'an de 3 sal û 4 meh cezayê girtîgehê li polîs Selahattîn Kormaz birîbû ku di 10'ê Sibata 2013'an de li Amedê bi wesyaîta zirxî Şahîn Oner eciqandibû û kuştibû. Dadgeha Îstinafê ya Amedê ku berê jî vê yekê wekî" qezayeke trafîkê ya hêsan" wesifandibû û bi îdiaya lêkolîn kêm hatiye kirin 4 sal û 5 meh cezayê hatibû birîn xera kiribû, careke din biryara dadgeha herêmî xera kir. Piştî 3 sal û 4 meh cezayê hatibû birîn hat xerakirin, îtiraz hat kirin û îstinafê vê carê bi îdiaya ku cezayê hatiye birîn "zêde" ye biryarê xera kir.  

 

Dadgeha Îstinafê derpêş kir ku di raporên pêzaniyê de tam nehatiye tespîtkirin ku leza wesayîtê zêde bûye û li kuçeyeke teng û tarî de wesayîta zirxî tam nikare pêşiya xwe bibîne û ji ber vê şert û mercên qisûra bi zanebûnî çênebûne. 

 

Doz dê dîsa li Dadgeha Cezayê Giran a 1'ê ya Amedê bê lidarxistin. Danişîna dozê dê di 11'ê Sibatê de bê lidarxistin. Ligel vê, malbata Oner û parêzerên wî diyar kirin ku biryara hatiye dayîn li dijî hiqûqê ye û gotin ku dê îtirazên xwe bidomînin. 

 

DER BARÊ DOZÊ DE

 

Şahîn Oner, di 10'ê Sibata 2013'an de di bin wesayîta zirxî ya polîsan de ma û jiyana xwe ji dest dabû. Ji ber vê di sala 2021'ê de li polîs Selahattîn Korkmaz bi sûcê "bi zanebûnî kuştina kesekî" 4 sal û 5 meh cezayê girtîgehê hatibû birîn. Lê Dadgeha Îstinafê bi hinceta "lêkolîn kêm hatiye kirin" ceza xera kiribû. Ji ber vê doz ji nû ve hatibû lidarxistin û di 19'ê Adara 2025'an de 3 sal û 4 meh ceza li sûcdar hatibû birîn. Îstinafê vê carê jî biryarê xera kir. 

 

MA / Rûkiye Payîz Adiguzel