Li Mûşê, piştî helîna berfê û germbûna hewayê, xweza dîsa bi ruh û can bû. Li deşt û çiyayan gelek kulîlk û nebat şîn dibin, giyayên wekî revas-rivis, kereng û gülîk (giyayê Çiriş) ku li herêmê şîn dibin, cihê xwe li ser dezgeyên firoşgehên bazarê girtin. Ev nebat di demsala biharê de ji bo xelkê herêmê çavkaniyeke debara ne jî. 

 

Li navçeya Kop a Mûşê Sînan Çoban ku debara xwe bi firotina Gûlîkê dike, der barê fêdeyên Gûlîkê de agahî dan.

Çoban diyar kir ku Gûlîk her sal di biharê de piştî heyameke 20 rojî ya gihîştinê li ser dezgeyên firoşgehên bazarê xuya dike û got ku Gûlîk ji bo gelek nexweşiyan derman e. Çoban got: "Ew giyayekî derman e û em pêşniyaz dikin ku her kes wê bixwe. Ji bilî Gûlîkê, kereng jî heye û kivarkên kovî li vir şîn dibin. Giyayên Heliz û cax jî li herêma Mûşê pir in. Ev giya jî dê di çend rojan de li ser dezgeyên firoşgehên bazarê bin. Gûlîk piştî 20 rojan hişk dibe. Bi gelemperî, ew nebatek e ku zûtir digihîje. Lê îsal, ji ber berfê, li hin deveran hîn negihîştiye." 

 

Çoban destnîşan kir ku Gûlîk di geleke cûreyên xwarinan de tê bikaranîn û wiha domand: "Ji ber ku demsala çinîna yekem e, em niha wê kîloya wê bi 100 TL'yî difiroşin. Ew giyayek e ku berhevkirina wê dijwar e. Lê di nav çend rojan de dê biha dakeve. Gundî wê berhev dikin. Em wê bi toptan ji wan dikirin. Hem gundî û hem jî em ji vê nebatê sûd werdigirin. Ew nebatek pir baş e. Rivis jî şîn dibe, lê hinekî derengtir şîn dibe. Rivis jî nebateke pir bişîfa ye."