
Bakirhan: Hewceye komîsyon tavilê li Ocalan guhdarî bike 

2025-11-04 15:38:29


	&nbsp;

	ENQERE - Hevserokê Giştî yê DEM Partiyê Tuncer Bakirhan pirsên rojnamegeran bersivand û got: “Divê komîsyon tavilê biçe Girava Îmraliyê û yekser bi muxatabê pirsgirêkê re hevdîtinê bike. Divê demildest li birêz Ocalan guhdarî bike.”

	&nbsp;

	Hevserokê Giştî yê Partiya Wekhevî û Demokrasiyê ya Gelan (DEM Partî) Tuncer Bakirhan, piştî civîna heftane ya koma partiya xwe pirsên rojnamegeran bersivand.&nbsp;

	&nbsp;

	Bakirhan, ji bo pirsa têkildarî gotina Devlet Bahçelî ya der heqê Selahattîn Demîrtaş de wiha got: “Em spasiya Bahçelî dikin. Gelek rast gotiye. Di serî de Selahattîn Demîrtaş û Fîgen Yuksekdag, divê hemû kesên ji Doza Kompasê ya Kobanê tên darizandin bên berdan.”&nbsp;

	&nbsp;

	PIRSA TÊKILDARÎ KOMÎSYONÊ

	&nbsp;

	Ji bo pirsa têkildarî çûna komîsyonê ya Girava Îmraliyê jî Bakirhan wiha got: “Ji bo çareseriya pirsgirêka sed sal in didome, hewceye komîsyon tavilê biçe Girava Îmraliyê û yekser bi muxatabê pirsgirêkê re hevdîtinê bike. Hewceye komîsyon demildsest biçe û li birêz Ocalan guhdarî bike.”&nbsp;

	&nbsp;

	Bakirhan, ji bo pirsa têkildarî hevdîtina bi Erdogan re jî got ku hevdîtin hatiye kirin, gelek sernav hatine nîqaşkirin û îxtîmaleke mezin rewşa heyî jî pê re hatiye ragihandin.&nbsp;

	&nbsp;

	HEVDÎTINA BI BAHÇELÎ RE

	&nbsp;

	Hevşaredarê Bajarê Mezin ê Mêrdînê Ahmet Turk ku li şûna wî qeyûm hatiye tayînkirin jî pirsa têkildarî îxtîmala vegera wî ya li ser peywira xwe berxivand û got ku niha tiştekî zelal nîne û daxwaza wan heye ku di rojên pêş de bi Devlet Bahçelî re hevdîtinê bikin.&nbsp;

	&nbsp;